Gəncənin bir sıra küçələrində lüklərin təmirə ehtiyacı var. Bu haqda Gencexeber.az-a 26 fevral tarixində məlumat daxil olub.
Sözügedən hal Təbriz, Məhəmməd Şəhriyar, Ağa Neymətulla, Rüstəm Əliyev küçələrində və Atatürk prospekti ilə Həsən Əliyev küçələrinin və 20 Yanvar ilə Bəxtiyar Əliyev küçələrinin kəsişmələrində müşahidə olunur. Adıçəkilən ərazilərdəki lüklərin cari vəziyyəti avtomobil və piyadalar üçün təhlükə yaradır.
Rüstəm Əliyev küçəsində avtomobil yolunda yerləşən lük asfalt örtüyünün səviyyəsindən yuxarıda yerləşir. Təbriz, Məhəmməd Şəhriyar və Ağa Neymətullada olan lüklər isə asfalt örtüyünün səviyyəsindən aşağıdadır. 20 Yanvar küçəsi ilə Bəxtiyar Əliyev küçələrinin kəsişməsində avtomobil yolunda qapaqsız lük mövcuddur.
Atatürk prospekti ilə Həsən Əliyev küçələrinin kəsişməsində isə piyada yolunda yerləşən lükün qapağı sınıqdır. Sakinlər xəbərdarlıq üçün həmin yerə plastmas lövhə qoyublar. Onlar müvəqqəti də olsa, təhlükənin qarşısını alıblar.
[modula id="55471"]
