Laçında sürücü, aşpaz, yanğınsöndürən xilasedici və s. iş yerləri üzrə 121 vakansiya elan edilib.
Gencexeber.az məlumat verir ki, Əmək və Əhalinin Sosial Müdafiəsi Nazirliyinin tabeliyindəki Dövlət Məşğulluq Agentliyi 29 oktyabr 2025-ci il, saat 11:00-da Laçın şəhərindəki "Laçın" İstirahət Kompleksində növbəti əmək yarmarkası təşkil edəcək.
Tədbirdə 20 işəgötürən tərəfindən 121 vakansiya təqdim olunacaq. Vakansiyalar arasında:
- Mühəndis-mexanik;
- Baş mühasib;
- Sürücü;
- Aşpaz;
- Yanğınsöndürən-xilasedici;
- Nasos qurğularının maşinisti və digər ixtisaslar var.
Yarmarkada iştirak edənlər üçün vakansiyalara uyğun qeydiyyat aparılacaq, həmçinin işsiz və işaxtaran şəxslərə Agentliyin aktiv məşğulluq proqramları və müraciət qaydaları barədə ətraflı məlumat veriləcək.
