Gəncədə sakinlərin hərəkətində çətinlik yaranıb. Bu haqda Gencexeber.az-a 10 yanvar tarixində məlumat daxil olub.
Söhbət şəhərin Zərifə Əliyeva (keçmiş Fərhad Əliyev) küçəsindən gedir. Sakinlərin sözlərinə görə, burada işıq dirəkləri var. Lakin küçə işıqlandırılması, demək olar ki, yoxdur.
“Qış vaxtı xüsusilə çətin olur. Hava tez qaralır, küçədə hərəkət etməyə qorxuruq. Ərazini ancaq obyektlərin işıqları nisbətən aydınladır. Uşaqlar məktəbdən, hazırlıqdan gələndə çətinlik çəkirlər”, - deyə sakinlər qeyd ediblər.
