Gəncədə açılış mərasimi keçirilib. Bu haqda 22 noyabr tarixində Kəpəz televiziyasına istinadən məlumat veririk.
Tədbir “Dövlət Statistika Komitəsi ilə Koreya Statistika Komitəsi arasında statistika sahəsində əməkdaşlıq haqqında Anlaşma Memorandumu”na uyğun olaraq təşkil olunub. Nizami yurdunda yeni təlim otağı yaradılıb.
Açılış mərasimində Dövlət Statistika Komitəsi və Koreya Statistika Komitəsinin Beynəlxalq əməkdaşlıq şöbəsinin rəsmi şəxsləri iştirak ediblər. Burada ən müasir informasiya texnologiyaları və avadanlıqlarla təchiz edilən təlim otağının üstünlüklərindən danışılıb. Həm canlı, həm də onlayn formatda təşkil olunacaq tədbirlər üçün lazımi şəraitin mövcud olduğu bildirilib.
Sözügedən layihənin məqsədi Dövlət Statistika Komitəsinin yerli statistika orqanlarının işçilərinin bilik və bacarıqlarının artırılmasıdır.
