Gəncədə prospektlərin birində kommunal qəza baş verib. Bu haqda Gencexeber.az-a 21 fevral tarixində məlumat daxil olub.
Hadisə Şah İsmayıl Xətai prospektində qeydə alınıb. Adıçəkilən ərazidəki avtomobil yolunda yeraltı su xətti partlayıb.
Qəza yerinə “Azərsu” ASC-nin texnikası və canlı qüvvəsi cəlb olunub. Hal-hazırda ərazidə texnikalarla qazıntı işləri həyata keçirilir. Növbəti mərhələdə kommunal qəzanın fəsadları aradan qaldırılacaq.
