Gəncədə KOBİM tərəfindən daha bir təlim keçirilib. Bu haqda 23 yanvar tarixində KOBİM-ə istinadən məlumat veririk.
Maarifləndirici təlim "Konfliktlərin idarə olunması və ünsiyyət vərdişlərinin artırılması" mövzusunda təşkil olunub. Burada qurumun eksperti tərəfindən konfliktlərin idarə olunması, ünsiyyət vərdişlərinin artırılması və aqressiv cavab hərəkətləri barədə danışılıb.
Tədbirdə daha sonra konfliktlərin idarə edilməsi, mahiyyəti və modelləri, münaqişə ilə işləmə, tərəflərin ortaq məxrəci, münaqişənin mənfi və müsbət nəticələri ilə bağlı məlumat verilib.
Qeyd edək ki, KOBİM tərəfindən göstərilən bütün xidmətlər ödənişsizdir.
