Gəncədə sahibkarlar üçün tədbir baş tutub. Bu haqda 27 noyabr tarixində KOBİM-ə istinadən məlumat veririk.
"Biznes planın yazılması" mövzusunda Gəncə KOB İnkişaf Mərkəzi (KOBİM) maarifləndirici təlimlər keçirib. Tədbirdə 13 nəfər iştirak edib. Burada qurumun eksperti tərəfindən bazar araşdırmasının ilkin mexanizmləri, bazar seqmentasiyasının tətbiqi, müştəri bazasının müəyyən edilməsi, biznes planların hazırlanması, rəqabətli bazar davranışı üçün strategiya və taktikaların hazırlanması barədə ətraflı məlumat verilib.
Təlimdə, həmçinin iştirakçılara risklər və təhlükələrin müəyyən edilməsi, marketinq və satış siyasətinin hazırlanması, biznes mühitlərinin təhlili və maliyyə hesabatlarının hazırlanması barədə danışılıb.
Qurum tərəfindən göstərilən bütün xidmətlər ödənişsizdir.
