Gəncədə piyada səkisi təmir olunub. Bu haqda Gencexeber.az-a 26 avqust tarixində məlumat daxil olub.
Söhbət Coşqun Hüseynov küçəsi, 23-dən gedir. Bir neçə gün öncə ərazidə piyada səkisinin çökməsi barədə xəbər paylaşmışdıq.
Burada tamet daş döşənmiş piyada səkisi təmir olunub. Çökmüş hissələr torpaqla doldurulub, üzərinə yeni tamet daşlar düzülüb.
Qeyd edək ki, İcra Hakimiyyətindən bildirilib ki, səkinin çökməsinə səbəb, burada fəaliyyət göstərən mağazanın sahibi tərəfindən yük avtomobilinin səkiyə çıxarılması olub. Nəticədə səki nəqliyyat vasitəsinin ağırlığına tab gətirmir və çökür.
