Gəncədə bəzi işıqforlar işləmir. Bu haqda Gencexeber.az-a 8 sentyabr tarixində məlumat daxil olub.
Sözügedən hal şəhərin Pərviz Səmədov küçəsinin Cavad xan və Cəfər Cabbarlı küçələri ilə kəsişməsində müşahidə olunur. Adıçəkilən ərazilərdə yerləşən işıqforlar bu gün, 8 sentyabr səhər saatlarından fəaliyyət göstərmir.
Bununla bağlı sakinlər narahatlıqlarını bildirirlər. Onların sözlərinə görə, belə hallarda qəza şəraiti yaranır.
