Gəncədə ölümlə və xasarətlə nəticələnən yol-nəqliyyat hadisəsi baş verib. Bu haqda 23 noyabr tarixində Report-a istinadən xəbər veririk.
Hadisə şəhərin Nizami Gəncəvi prospektində qeydə alınıb. İki “VAZ” markalı avtomobil toqquşub. Nəticədə 71 yaşlı Rəziyyə Əhmədova dünyasını dəyişib, 65 yaşlı Fərqanə Məmmədova, 19 yaşlı Əli Süleymanov və Nərgiz Qarayeva, 24 yaşlı Taleh İsmayılov və 18 yaşlı Nərmin Qarayeva xasarət alıblar.
Yaralılar xəstəxanaya yerləşdiriliblər.
Faktla bağlı araşdırma aparılır.
