Gəncədə dələduzluqla bağlı görüş keçirilib. Bu haqda 28 dekabr tarixində Regional Təhsil İdarəsinə istinadən məlumat veririk.
Tədbir Kapital Bank ASC-nin Gəncə filialının təşəbbüsü ilə Gəncə-Daşkəsən Regional Təhsil İdarəsinin inzibati binasında baş tutub. Görüşün mövzusu kart əməliyyatlarında baş verən dələduzluq halları ilə bağlı olub.
Burada Gəncə-Daşkəsən Regional Təhsil İdarəsinin müdiri Anar Qədiməliyev, əməkdaşları və idarənin tabeliyində fəaliyyət göstərən müəssisələrin rəhbərləri, Kapital Bank ASC-nin Gəncə filialının direktoru Vüqar Paşayev iştirak ediblər.
Yığıncaqda əməliyyatlardan düzgün istifadə, təhlükəsizlik qaydalarına riayət olunması və digər mövzular barədə ətraflı məlumat verilib.
Sonda iştirakçıların sualları cavablandırılıb.
