Gəncədə bir sıra küçələrdə lüklərin təmirə ehtiyacı var. Bu haqda Gencexeber.az-a 4 dekabr tarixində məlumat daxil olub.
Sözügedən hal şəhərin Ruzigar Qasımov küçəsi, 20 Yanvar küçəsi ilə Əziz Əliyev prospekti və Heydər Əliyev prospekti ilə Ruzigar Qasımov küçəsinin kəsişməsində müşahidə olunur. Adıçəkilən ərazilərdə lüklər qəzalı vəziyyətdədir və ətrafında çöküntülər əmələ gəlib.
20 Yanvar küçəsi ilə Əziz Əliyev prospektinin kəsişməsində və Ruzigar Qasımov küçəsində quyular asfalt örtüyündən aşağıda yerləşir.
Heydər Əliyev prospektinin Ruzigar Qasımov küçəsi ilə kəsişməsində avtomobil yolunda çöküntü əmələ gəlib.
Qeyd edək ki, Rüstəm xan Xoyski küçəsində asfalt örtüyündən aşağıda yerləşən lüklər təmir edilir. Quyular yol səthi ilə bərabərləşdirilir.
[modula id="51055"]
