Gəncədə futbolçular üçün təlim təşkil olunub. Bu haqda 22 fevral tarixində Kəpəz Akademiyasına istinadən məlumat veririk.
Seminar Mərkəzi Bankın İstehlakçılarla iş departamentinin Maliyyə savadlılığı şöbəsinin təşkilatçılığı ilə baş tutub. Burada “Kəpəz”in əməkdaşları və əvəzedici heyətin üzvləri iştirak ediblər. Onlar üçün maliyyə savadlılığının artırılması ilə bağlı təlim təşkil olunub.
Tədbiri Azərbaycan Bank Tədris Mərkəzinin eksperti Rauf Ağayev və Maliyyə savadlılığı şöbəsinin əməkdaşı Lamiyə Qaralova aparıblar. Futbolçular şəxsi kredit təcrübələrini paylaşıb, kreditin düzgün götürülməsi və ödənilməsi haqqında məlumatla tanış olublar.
Burada, həmçinin maliyyə savadlılığının artırılması üçün elektron resurslar təqdim edilib.
