Gəncə təmsilçisi fanatını sevindirib. Bu haqda 7 fevral tarixində Kəpəz televiziyasına istinadən məlumat veririk.
Söhbət 13 yaşı tamam olan Hüseyn Hüseynlidən gedir. Yeniyetmə azarkeş sosial şəbəkə vasitəsi ilə “Kəpəz”ə müraciət ünvanlayıb. O, 6 fevral tarixində doğum gününü qeyd edəcəyini yazıb və xəyallarında tutduğu arzusunun bu doğum günündə reallaşmasını istəyib. Hüseyn özəl gününü ən çox sevdiyi futbol komandasının oyunçuları ilə birgə qeyd etmək istəyində olduğunu bildirib.
"Sarı-göylər" azarkeşin arzusunu çin ediblər. Qonaqları qapıda qarşılayan yeniyetmə sevincdən göz yaşlarını saxlaya bilməyib. Hüseyni təbrik etmək üçün Tural Rzayev, Əli Səmədov, Junior Martins və Olavale Onanuqa gəliblər. O, bu doğum gününü heç vaxt unutmayacağını bildirib. Tortunu sevdiyi futbolçularla kəsən gənc azarkeş onlarla xatirə çəkilləri çəkdirib, təbrikləri qəbul edib.
Qeyd edək ki, yeniyetmə uşaqlıqdan "sarı-göylər"ə azarkeşlik etməyə başlayıb. Atası onu 5-6 yaşlarından stadiona oyunları izləməyə aparıb.
