Gəncədə məktəblər arasında görüş keçirilib. Bu haqda 12 mart tarixində Regional Təhsil İdarəsinə istinadən məlumat veririk.
Tədbir Gəncə-Daşkəsən Regional Təhsil İdarəsinin təşkilatçılığı ilə həyata keçirilən "Kənddən şəhərə, şəhərdən kəndə" layihəsi çərçivəsində baş tutub. 8 və 29 nömrəli orta məktəblərin iştirakı ilə Göygöl rayon Üçbulaq kənd tam orta məktəbinə ziyarət təşkil olunub. Burada şagirdlərə hədiyyələr bağışlanıb.
Layihə çərçivəsində həyata keçirilən görüşə Göygöl Rayon İcra Hakimiyyətinin başçısı Elvin Paşayev, Gəncə-Daşkəsən Regional Təhsil İdarəsinin (GDRTİ) müdiri Anar Qədiməliyev, əməkdaşları, Göygöl rayonu üzrə təhsil sektorunun müdiri Elnur Qasımov, müəllim və şagirdlər qatılıblar.
Tədbirin davamında şagirdlər müxtəlif şeirlər səsləndirib, mahnı nümunələri ilə çıxış ediblər.
