Gəncədə təqdimat keçirilib. Bu haqda 8 mart tarixində “Gənclər Evi”nə istinadən xəbər veririk.
"İT sahəsinə necə başlamalı" mövzusunda təqdimat təşkil olunub. Tədbir Azərbaycan Dövlət Aqrar Universitetinin Tələbə Gənclər Təşkilatının və Gənclər Evinin “İnnovasiyalar klubu”nun təşkilatçılığı ilə baş tutub. Tədbirdə 50 nəfərdən artıq gənc iştirak edib.
Görüşün məqsədi Gənclər Evində yeni yaradılmış IT dərslərinə gəncləri cəlb etmək, onlarda bu sahəyə maraq yaratmaqdır. Burada “IT Helpdesk”, Şəbəkə inzibatçılığı, Sistem inzibatçılığı, Frontend, Backend, Qrafik designer və digər sahələr praktiki və nəzəri şəkildə öyrədiləcək.
Görüş zamanı Gənclər Evinin əməkdaşı İlahə Həsənova gəncləri asudə vaxtın səmərəli təşkili ilə bağlı keçirilən tədbirlərdə iştirak etməyə dəvət edib.
