Gəncədə kitabxana filialında tədbir baş tutub. Bu haqda 8 mart tarixində Gənclər Evinə istinadən məlumat veririk.
“İncə ruhlu zərif gözəllik” adlı yığıncaq Beynəlxalq Qadınlar Günü münasibətilə təşkil olunub. Burada Gəncə Dövlət Rəsm Qalereyasının elmi işçisi və bələdçisi, 11 nömrəli Kitabxananın böyük kitabxanaçısı, Azərbaycan Texnologiya Universitetinin müəllimi, Gəncə Gənclər
Evinin psixoloqu Günəş Seyfullahzadə mövzu ətrafında çıxış ediblər.
Sonda Rəsm Qalereyasının bayrama həsr edilmiş sərgisinə və “Fərəh” İctimai Birliyi üzvünün əl işlərindən ibarət sərgiyə baxış keçirilib.
Tədbirə Gənclər Evinin psixologiya kursunun tələbələri və psixoloqu Günəş
Seyfullahzadə, 2 saylı Gəncə Regional “ASAN xidmət” Mərkəzinin könüllüləri və “Fərəh” İctimai Birliyinin üzvləri, Azərbaycan Texnologiya Universitetinin müəllimi qatılıblar.
