Gəncənin daha bir küçəsi işıqsız qalıb. Bu haqda Gencexeber.az-a 3 fevral tarixində məlumat daxil olub.
Söhbət Aşıq Ələsgər və Rahib Novruzov küçələrinin kəsişmələrindən gedir. Adıçəkilən ərazi qaranlığa qərq olub. Sakinlərin sözlərinə görə, küçədə işıq dirəkləri mövcud deyil. Bu səbəbdən hava qaralanda ərazi zülmətə qərq olur.
Bildirilir ki, bu hal avtomobillər və küçə ilə hərəkət edən piyadalar üçün çətinlik yaradır. “Küçəmiz işıqlandırılsa, çox sevinərik. Gediş-gəlişimiz rahatlaşar” deyə sakinlər əlavə ediblər.
