Gəncədə küçələrin birində kommunal qəza baş verib. Bu haqda Gencexeber.az-a 23 dekabr tarixində məlumat daxil olub.
Bu hal Aida İmanquliyeva və Habil Əliyev küçələrinin kəsişməsində qeydə alınıb. Adıçəkilən ərazidə su borusu partlayıb. Nəticədə su küçə boyunca axır.
Qeyd edək ki, həmin ərazinin digər hissəsində bir ay öncə kommunal qəza baş verib. Küçəyə aidiyyəti qurumun əməkdaşları cəlb olunublar. Sakinlərin sözlərinə görə, təmir işləri bitdikdən sonra ərazinin üstü örtülməyib.
Onlar, həmçinin bildirirlər ki, bir neçə ay öncə burada yeni kanalizasiya sistemi çəkilib. Daha sonra isə avtomobil yolunun bir hissəsi çöküb.
[modula id="52111"]
