Gəncədə kommunal qəzanın baş verdiyi yol açılıb. Bu haqda Gencexeber.az-a 11 mart tarixində məlumat daxil olub.
Söhbət şəhərin Əli Nəzmi küçəsindən gedir. İki gün öncə ərazidə kommunal qəzadan sonra yolun qazılması və bağlı qalması barədə xəbər paylaşmışdıq.
Məsələ ilə bağlı Gəncə Sukanal TSC məlumat verib. Bildirilib ki, adıçəkilən əraziyə qurumun texnikası və canlı qüvvəsi cəlb olunub. Təmirdən sonra yaranan torpaq təpəsi yığışdırılıb. Beləliklə, nəqliyyat vasitələrinin hərəkətində yaranan məhdudiyyət aradan qaldırılıb.
