Gəncədə müsabiqə baş tutacaq. Bu haqda 16 fevral tarixində Gənclər Evinə istinadən məlumat veririk.
Yarış Gəncə-Daşkəsən Regional Gənclər və İdman İdarəsi və Gənclər Evi tərəfindən təşkil olunacaq. Rəsm müsabiqəsinin mövzusu "İdman – sağlam həyat!"dır.
Təqdim olunacaq işlər A4 ölçüsündən balaca olmamaq şərti ilə istənilən digər ölçü və materialda ola bilər. Həmçinin texnika seçimi sərbəstdir. İlk 3 yerin qalibləri diplomla təltif ediləcəklər.
Qatılmaq istəyənlər Gənclər Evinə yaxınlaşa və ya (050) 996 60 06 nömrəsi ilə əlaqə saxlaya bilərlər. Son müraciət tarixi 4 martdır.
Qeyd edək ki, müəlliflər əsərin arxasında ad, soyad və əlaqə nömrələrini yazmalı, rəsmlə birlikdə şəxsiyyət vəsiqəsi və ya doğum haqqında şəhadətnamənin surətini təqdim etməlidirlər.
