Gəncədə idmançılarla görüş baş tutub. Bu haqda 16 aprel tarixində İcra Hakimiyyətinə istinadən məlumat veririk.
İcra hakimiyyəti başçısı Niyazi Bayramov 2024-cü ildə Parisdə keçiriləcək Yay Olimpiya Oyunlarına lisenziya qazanan sərbəst güləşçi Turan Bayramov və parataekvandoçu İmaməddin Xəlilovla görüşüb. Burada Əməkdar məşqçi Elçin Zeynalov, “Şöhrət” ordenli Əli Hacıyev, Gəncə-Daşkəsən Regional Təhsil İdarəsinin müdiri Anar Qədiməliyev, Gəncə-Daşkəsən Regional Gənclər və İdman İdarəsinin rəisi İntiqam Hüseynov, İcra Hakimiyyəti başçısı Aparatının məsul əməkdaşları, 1 və 2 nömrəli Uşaq-Gənclər İdman-Şahmat Məktəblərinin, Gəncə İdman Liseyinin direktorları və məşqçilər iştirak ediblər.
Şəhər rəhbərliyi Nizami yurdunda idmana göstərilən diqqətdən söz açıb. İcra başçısı hər iki idmançını təbrik edib və onlara Yay Olimpiya Oyunlarında uğurlar arzulayıb.
Sonda xatirə şəkli çəkdirilib.
