Gəncədə məktəblilər imtahan veriblər. Bu haqda 4 mart tarixində Kəpəz televiziyasına istinadən məlumat veririk.
Dövlət İmtahan Mərkəzi tərəfindən cari ilin 11-ci sinif şagirdləri üçün buraxılış imtahanı təşkil olunub. Proses 8 binada həyata keçirilib. Burada iştirak üçün 2036 şagird ərizələrini təsdiqləyib.
Məktəblilərin bilik və bacarıqlarını yoxlamaq məqsədi ilə onlara Azərbaycan dili, riyaziyyat və xarici dil fənlərindən ümumilikdə 85 sual təqdim edilib. Şəhərimizdən 22 imtahan rəhbəri və 177 zal nəzarətçisi imtahana nəzarət üçün prosesə cəlb olunub.
Qeyd edək ki, nəticələrin yaxın 4 həftə ərzində elan olunması nəzərdə tutulur.
