Bu gün şəhid Vəli Mehtiyevin doğum günüdür.
Vəli Şüküralı oğlu Mehtiyev 1 sentyabr 1968-ci ildə Zəngilan rayonunun Vejinəli kəndində anadan olub. O, Vejinəli kənd orta məktəbini bitirdikdən sonra Ceyranbatanda sürücülük məktəbində oxuyub.
Vəli 1988-1990-cı illərdə Ukrayna Respublikasının Rovno şəhərində hərbi xidmət keçib. Geri qayıtdıqdan sonra bir müddət sürücü kimi işləyib. Vəli Mehdiyev 1992-ci ilin noyabr ayının 17-də cəbhəyə yollanıb, 702 saylı hərbi hissənin tərkibində vuruşub.
Vəli Şüküralı oğlu Mehdiyev 19 yanvar 1994-cü ildə Füzuli rayonu uğrunda gedən döyüşlərdə şəhidlik zirvəsinə ucalıb.
Şəhidimiz 20 yanvar 1994-cü ildə Gəncə şəhəri Şəhidlər xiyabanında dəfn olunub.
