Bu gün şəhid Məhərrəm Hüseynovun doğum günüdür.
Məhərrəm Əli oğlu Hüseynov 2 sentyabr 1955-ci ildə Şəmkir rayonunun Dəllər qəsəbəsində anadan olub. Sonradan ailəsi ilə birlikdə Gəncə şəhərinə köçüblər. O, Ağac Emalı zavodunun nəzdində yerləşən “Unuversal-3” kooperativində işləyib.
Məhərrəm 1 aprel 1992-ci ildə könüllü olaraq Gəncə ərazi özünümüdafiə batalyonuna yazılıb və Drambon, Çıldıran, Həsənqaya, Seysuan, Yarımcan, Qırmızı Kənd, Aşağı çaylı, Yuxarı Çaylı, Marquşevan, Leninavan döyüşlərində iştirak edib.
Məhərrəm Əli oğlu Hüseynov 11 noyabr 1992-ci ildə Ağdərənin Vəng kəndində şəhidlik zirvəsinə ucalıb.
Şəhidimiz Gəncə şəhər Şəhidlər xiyabanında dəfn olunub.
