Bu gün Röyal Cəfərovun doğum günüdür.
Röyal Vaqif oğlu Cəfərov 7 dekabr 1991-ci ildə Gəncədə anadan olub. 18 nömrəli tam orta məktəbi bitirib. 2010-cu ildə həqiqi hərbi xidmətə çağırılıb.
27 sentyabr 2020-ci ildə Vətən müharibəsində iştirak edib. O, Murov zirvəsi, Füzuli, Cəbrayıl, Zəngilan və Qubadlı rayonları istiqamətində gedən döyüşlərdə vuruşub. Qubadlı rayonunun işğaldan azad olunmasında iştirak edib. O, rayonun mərkəzində yerləşən beşmərtəbəli binanın üstünə Azərbaycan Respublikasının Dövlət Bayrağını sancıb.
4 noyabr 2020-ci ildə Laçın dəhlizində gedən döyüşlərdə şəhidlik zirvəsinə ucalıb.
Röyal Vaqif oğlu Cəfərov 7 noyabr 2020-ci ildə Gəncədə Şəhidlər xiyabanında dəfn olunub.
Röyal ölümündən sonra Prezident tərəfindən “Vətən uğrunda”, “Qubadlının azad olunmasına görə”və “Laçının azad olunmasına görə” medalları ilə təltif edilib.
