Gəncə Dövlət Dram Teatrında tamaşa göstərilib. Bu haqda 1 dekabr tarixində İcra Hakimiyyətinə istinadən xəbər veririk.
Teatr tərəfindən Azərbaycan dramaturgiyasının banisi, yazıçı-dramaturq Mirzə Fətəli Axundovun “Hekayəti Müsyö Jordan və Dərviş Məstəli Şah” birpərdəli komediyası təqdim olunub. Əsər ictimai-sosial şəraitin yaratdığı ciddi insani münasibətlərdən, düşüncə və münasibət fərqliliyi ilə insanlar arasında yaranan anlaşılmazlıq nəticəsində onların qarşı-qarşıya durmasından bəhs edir.
Komediyada Xalq artisti Pərvanə Qurbanova, Əməkdar artistlər Elxan Abbasov, Rəhilə Məmmədova, İlham Hüseynov, aktyorlar Samir Abbasov, Günay Verdiyeva, Elşad Əhmədov, Rauf Hüseynov və İlahə Cabbarova çıxış ediblər.
Tamaşanın nümayişinə icra başçısı Niyazi Bayramov, Türkiyənin Gəncədəki Baş konsulu Recep Öztop, Millət vəkili Pərvin Kərimzadə, YAP Gəncə Şəhər Təşkilatının sədri Bayram Aslanov, ADAU-nun rektoru Zəfər Qurbanov, İcra Hakimiyyəti başçısı Aparatının məsul əməkdaşları, Regional İnkişaf İctimai Birliyinin könüllüləri, idarə, müəssisə, təşkilat rəhbərləri və şəhər ictimaiyyəti qonaq qismində qatılıblar.
