Gəncədə bal istehsalına qismən ziyan dəyib. Bu haqda 12 aprel tarixində Kəpəz televiziyasına istinadən xəbər veririk.
Bu il yağıntılı hava şəraiti arıçıların işlərinə bir qədər təsir edib. Son zamanlar yağan yağıntılar yeni-yeni çiçək açan ağacların tumurcuqlarına ziyan vurub. “Bu il arı və təbiət gec oyanıb. Respublikada bu il arı ölümləri çox böyükdür. 100 minə yaxın arı ailələrinin məhv olması qeydə alınıb”, – deyə arıçılar bildiriblər.
Cari il mövsümünün nəticələri arıçıları qane etməsə də, artıq yay mövsümünə hazırlıq başlayıb. Arı ailələrinin müalicəsi aparılır, gənə və bir sıra xəstəliklərə qarşı profilaktik tədbirlər görülür.
