Gəncədə qanunsuz tikintilərin qarşısı alınıb. Bu haqda 15 noyabr tarixində İcra Hakimiyyətinə istinadən xəbər veririk.
İcra Hakimiyyəti yanında şəhərdə tikinti norma və qaydalarına riayət olunmadan aparılan işlərin müəyyən edilməsi məqsədilə yaradılan komissiya yoxlama keçirib. Nəticədə Mahrasa bağı, Şah İsmayıl Xətai prospekti, 352-də qeyri-yaşayış binasının və Həsrət Əliyev küçəsində yerləşən yataqxana binasının birinci mərtəbəsinin artırmasının icazəverici sənədləri olmadan tikintisi aşkarlanıb.
İcra Hakimiyyətinin, FHN-nin Tikintidə Təhlükəsizliyə Nəzarət Dövlət Agentliyinin Qərb Regional Mərkəzinin, Regional Dövlət Yanğın Nəzarət İdarəsinin və Əmlak Məsələləri Dövlət Xidmətinin 3 saylı Ərazi İdarəsinin və hüquq-mühafizə orqanlarının nümayəndələrinin iştirakı ilə qanunsuz tikililər sökülüb.
[modula id="49889"]
