Gəncədə qaz xətlərinin birinin vəziyyəti sakinləri narahat edir. Bu haqda Gencexeber.az-a 19 aprel tarixində məlumat daxil olub.
Söhbət 38 saylı hərbi şəhərcikdən gedir. Küçələrin birində binaları mavi yanacaqla təchiz edən borunu saxlayan dayaqlar əyilib. Nəticədə ərazidə qəzalı vəziyyət yaranıb.
Sakinlərin sözlərinə görə, güclü külək zamanı boru yellənir. Bu hal onları narahat edir. Vətəndaşlar baş verə biləcək bədbəxt hadisənin qarşısının alınması üçün aidiyyəti qurumun tədbir görməsini arzu edirlər.
