Gəncədə şəhər rəhbərliyi vətəndaşların müraciətlərini dinləyib. Bu haqda 23 noyabr tarixində İcra Hakimiyyətinə istinadən xəbər veririk.
Niyazi Bayramov Məhsəti qəsəbəsində yerləşən 21 nömrəli məktəbdə sakinlərlə görüşüb. Tədbirdən əvvəl təhsil müəssisəsinin şəhid məzunlarının xatirəsinə yaradılan guşənin önünə çiçəklər düzülüb.
Görüşdə şəhər sakinləri onları narahat edən məsələlər haqqında danışıblar. Səsləndirilən müraciətlərdə işlə təminat, müalicə, mənzil növbəliliyi, qəsəbədə ATM-lərin sayının artırılması, fərdi yaşayış evinin təmiri, torpaq sahəsi ilə təminat, maddi köməklik və digər məsələlər olub.
İcra başçısı vətəndaşları narahat edən məsələlərin həlli üçün müəyyən tapşırıqlar verib. Problemlərin bir çoxu yerindəcə öz həllini tapıb.
