Gəncədə abadlıq-quruculuq işləri aparılır. Bu haqda 1 dekabr tarixində MKTİB-yə istinadən xəbər veririk.
Şəhər ərazisində təmir-tikinti və yaşıllaşdırma işləri görülür. Proses Mənzil Kommunal Təsərrüfatı İstehsalat Birliyi tərəfindən aparılır. Qurumun texnikaları və canlı qüvvəsi tərəfindən Nizami Gəncəvi prospektinin şərq girişində dairənin yararsız hala düşən hissələri təmir edilir. Ərazidə mövsümi güllərin əkini həyata keçirilib. Şəhərə Bakı istiqamətindən giriş hissəsində mövcud olan küçə işıqlandırma dirəklərində bərkitmə işləri aparılıb və boya vurulub.
Həmçinin Gəncə Qala Qapıları - Arxeologiya və Etnoqrafiya Muzeyi Abidə Kompleksinin üzərində olan qədim şəhərin simvolik gerbi və şir heykəlləri rənglənib və əraziyə güllər əkilib. İşlər "Ekoloji park kompleksi"ndə aparılır. Burada "SOS Uşaq Kəndi" ilə Yaşıllaşdırma şöbəsinin Gülçülük sahəsinin mühafizə xətti yenilənib. Ərazini ayıran dəmir konstruksiyalı çəpər çəkilir.
[modula id="50884"]
