Gəncədə sakinlərlə növbəti görüş baş tutub. Bu haqda 7 dekabr tarixində İcra Hakimiyyətinə istinadən məlumat veririk.
İcra başçısı Niyazi Bayramov səyyar görüş keçirib. Tədbir 13 nömrəli tam orta məktəbdə təşkil olunub. Burada YAP Gəncə Şəhər Təşkilatının sədri Bayram Aslanov, Aparatın məsul əməkdaşları, bələdiyyə sədrləri, idarə, müəssisə və təşkilat rəhbərləri iştirak ediblər.
Rəsmilər vətəndaşların müraciətlərini dinləyiblər. Onların arasında işlə təminat, maddi yardımın göstərilməsi, məktəblərin qarşısında olan yerüstü piyada keçidlərinin rənglənməsi, qəsəbələrə yeni marşrut xətlərinin açılması kimi məsələlər yer alıb.
Bir çox müraciətlər yerindəcə həllini tapıb. Digərləri aidiyyəti qurumlara yönləndirilməsi üçün qeydiyyata alınıb.
