Gəncədə təbii fəlakətin fəsadları aradan qaldırılır. Bu haqda 2 aprel tarixində MKTİB-yə istinadən məlumat veririk.
Sözügedən işlər şəhərin Gülüstan qəsəbəsindəki 20A saylı binada aparılır. Ötən il 23 dekabr tarixində güclü külək zamanı tikilinin dam örtüyünün bir hissəsi dağılıb. Bununla bağlı binaya MKTİB-nin əməkdaşları və texnikası cəlb olunub. Onlar tikilinin 560 kvadratmetr sahəsinin zərər gördüyü dam örtüyünü tamamilə yeniləyəcəklər.
Əraziyə lazımi materiallar gətirilib. Artıq dam örtüyünün taxta karkasının yığılması həyata keçirilir və yaxın vaxtlarda dam örtüyü vurulacaq.
