Gəncədə konsert təşkil olunacaq. Bu haqda 12 mart tarixində iticket.az-a istinadən məlumat veririk.
"Göygöl" adlı proqram "Gəncə və Gəncəlilər" layihəsi çərçivəsində baş tutacaq. Xalq artisti Fikrət Verdiyevin əziz xatirəsinə həsr olunmuş tədbir 23 aprel tarixində saat 19:00-da Gəncə Dövlət Filarmoniyasında keçiriləcək.
Konsertdə Xalq artistləri: Mənsum İbrahimov, Niyaməddin Musayev, Samir Cəfərov, Gülyaz Məmmədova, Əməkdar artistlər: Babək Niftəliyev, Sevinc Sarıyeva, solistlər: Kamilə Nəbiyeva, Anar Quliyev çıxış edəcəklər.
Biletləri iticket.az saytından və Filarmoniyanın kassasından əldə etmək mümkündür. Qiymətlər 5-15 manat aralığındadır.
