Gəncədə mütəxəssislər tərəfindən konfrans keçiriləcək. Bu haqda 19 fevral tarixində Şəhər Birləşmiş Xəstəxanasına istinadən xəbər veririk.
Gəncə Dövlət Filarmoniyasında “Ginekologiyanın aktual problemləri” adlı konfrans baş tutacaq. Tədbir 2 mart tarixində TƏBİB-nin dəstəyi ilə təşkil olunacaq. Burada tibb müəssisələrində fəaliyyət göstərən uroloq və ginekoloqlar iştirak edə bilərlər.
Mütəxəssislər sonsuzluq, təbii doğuş, qeysəriyyə kəsiyi əməliyyatı, uşaqlıq cismi xərçəngində müasir yanaşma, qadın xəstəliklərinin müayinə və müalicəsində tətbiq olunan yeniliklər, son tədqiqatlar barədə çıxış edəcəklər.
Konfransa qatılmaq istəyənlər aşağıdakı linkə daxil olaraq qeydiyyatdan keçməlidirlər.
