"BakuBus"ın Gəncədə fəaliyyətə başlaması ilə əlaqədar olaraq, Gəncə şəhərində avtobuslarda gedişhaqqı "CityCard" nağdsız ödəniş sistemi vasitəsilə ödəniləcək.
Bu barədə Gencexeber.az-a adıçəkilən sərnişindaşıma şirkətinin mətbuat xidmətindən məlumat verilib.
Bildirilib ki, Gəncə şəhərində fəaliyyət göstərən bütün "Azərpoçt" filiallarından "CityCard" ödəniş kartını əldə etmək mümkündür. Kartın qiyməti 2 manatdır.
Kampaniya çərçivəsində bir ay ərzində kart alan hər kəsə iki gediş hədiyyə olunur.
Bildirilib ki, Gəncədə sərnişinlər "CityCard Azerbaijan" tətbiqini "Apple Store" və ya "Google Play"dən yükləyərək balanslarını onlayn şəkildə artıra, QR kod yaradaraq ödənişləri sürətli şəkildə həyata keçirə biləcəklər.
Qeyd edək ki, "BakuBus" MMC-nin Gəncədə istismara buraxılacaq bütün avtobuslarında gedişhaqqının istənilən bank kartı ilə ödənilməsi də mümkün olacaq.
