Azərbaycan Qida Təhlükəsizliyi Agentliyinin (AQTA) Gəncə-Daşkəsən regional bölməsinin əməkdaşları tərəfindən cari ilin 8 ayı ərzində keçirilən yoxlamalar zamanı 20 ictimai iaşə müəssisəsində texniki normativ hüquqi aktların tələblərinin pozulduğu aşkarlanıb.
Gencexeber.az AQTA-ya istinadən bildirir ki, bunlardan insan həyatı və sağlamlığı üçün təhlükə yaradan 9 müəssisənin fəaliyyəti nöqsanlar aradan qaldırılanadək məhdudlaşdırılıb. Onlardan 5-i Gəncədə yerləşir. Həmin müəssisələrdən 3-ü tam sağlamlaşdırılaraq, yəni qida obyektinin qida təhlükəsizliyi tələblərinə uyğunluğu təmin edilərək fəaliyyəti bərpa olunub, 2-də isə müvafiq tədbirlər görülməkdədir.
Sözügedən müəssisələr aşağıdakılardır:
Gəncə şəhəri, Ş.İ.Xətai prospektində İbrahimov Əlövsət Füzuli oğluna məxsus yeməkxana;
Gəncə şəhəri, Gülüstan qəsəbəsində Aslanov İlham Qabil oğluna məxsus kafe;
Gəncə şəhəri, Z.Hacıyev küçəsində Bayramov Rövşən Lütviq oğluna məxsus kafe;
Gəncə şəhəri, H.Əliyev prospekti və H.Əliyev küçəsinin kəsişməsində "Əjdaha" MMC;
Gəncə şəhəri, Yeni Gəncə qəsəbəsində Abdullayev Saləddin Hümbət oğluna məxsus "Gəncə Bağı" şadlıq sarayı.
