Gəncədə tələbələrlə görüş baş tutacaq. Bu haqda 1 dekabr tarixində “Bir Könüllü”yə istinadən məlumat veririk.
“Həkimə qədər ilk tibbi yardım” təlimi “Bir Könüllü” Tələbə Təşkilatının Gəncə Dövlət Universiteti üzrə nümayəndəliyinin təşkilatçılığı və Beynəlxalq Xəstəxananın tərəfdaşlığı ilə keçiriləcək. Tədbir bu gün, 1 dekabr tarixində təşkil olunacaq.
Görüş çərçivəsində peşəkar tibbi heyətin dəstəyi ilə tələbələr xəstəyə ilkin müdaxilə prosesi haqqında yeni biliklər mənimsəyəcək və hansı hallarda müdaxilə edə biləcəkləri barədə məlumat alacaqlar.
Təlimin keçirilməsində əsas məqsəd gəncləri sosial məsuliyyət və ictimai yardım hissi ilə tanış etmək, həkimə qədər tibbi yardım imkanlarını mənimsətmək, ictimai və sosial fəaliyyətlərə dəstək olmalarını təmin etməkdir.
