Gəncədə tamaşa nümayişi baş tutub. Bu haqda 23 dekabr tarixində Regional Mədəniyyət İdarəsinə istinadən məlumat veririk.
Tədbir Gəncə Dövlət Dram Teatrında təşkil olunub. Burada GDU tələbələri "Xurşidbanu Natəvan" pyesi əsasında hazırlanmış tamaşa ilə çıxış ediblər. Tamaşada idarə, müəssisə və təşkilat rəhbərləri, ictimaiyyət nümayəndələri, tələbələr iştirak ediblər.
Səhnə əsərinə baxdıqdan sonra gənclərlə görüşdə Heydər Əliyevin teatra bağlılığı haqda danışılıb. Ulu öndər məktəb və tələbəlik illərində dram dərnəklərində səhnədə də çıxış edib. Ümummilli lider Azərbaycan milli teatrını xalqımızın milli sərvəti adlandırırdı.
Qeyd edək ki, tədbir Gəncə Dövlət Dram Teatrının təşkilati dəstəyi, İcra Hakimiyyətinin, Gəncə-Daşkəsən Regional Mədəniyyət İdarəsinin, Gəncə Dövlət Filarmoniyasının dəstəyi, Heydər Əliyev Mərkəzinin və Gəncə Dövlət Universitetinin təşkilatçılığı ilə keçirilib.
