Gəncədə tələbələr təqaüd proqramını qazanıblar. Bu haqda 18 aprel tarixində GDU-ya istinadən məlumat veririk.
Gəncə Dövlət Universitetinin tələbələri Alman Akademik Mübadilə Xidmətinin (DAAD) təqaüd proqramına müraciət ediblər. Nəticədə Alman dili müəllimliyi ixtisasının tələbələri – İsmayıl Carçıyev, Səma Qasımova və Fuad Sarıyev müsabiqədə uğur qazanıblar.
Gənclər mübadilə proqramı çərçivəsində bir ay müddətində Almaniyada təşkil ediləcək yay məktəblərində təcrübə keçmək şansı əldə ediblər.
Bundan başqa, müsabiqəyə qatılan digər tələbələr – Mədinə Avazlı, Selcan Xələfova və Aydan Zeynalova A2 səviyyəsi üzrə sertifikata layiq görülüblər.
