Gəncədə doktorantura tələbələri ilə görüş baş tutub. Bu haqda 14 fevral tarixində GDU-ya istinadən məlumat veririk.
Tədbir Gəncə Dövlət Universitetində təşkil olunub. Təhsil müəssisəsinin Elm və İnnovasiyalar üzrə prorektoru millət vəkili Pərvin Kərimzadə GDU-da təhsil alan doktorantlar üçün yaradılan şəraitdən danışıb. Prorektor qeyd edib ki, hazırda universitetdə fəlsəfə doktoru proqramı üzrə 29 nəfər təhsil alır. Doktorantların tədqiqat fəaliyyəti ilə yaxından tanışlıq məqsədilə ənənəvi olaraq, hər il doktorantların hesabatları götürülür və dinlənilir.
Görüşdə elmi işlərin hazırlanması, araşdırmaların aparılması, məqalələrin hazırlanması və çapı ilə bağlı müzakirələr aparılıb. Doktorantlar dissertasiya işləri barədə məlumat verərək, onları narahat edən məsələləri səsləndiriblər. Mövcud problemlər müzakirə edilib. Onların həll olunması istiqamətində fikir mübadiləsi aparılıb və tövsiyələr verilib.
Həmçinin doktorantları maraqlandıran suallar ətraflı cavablandırılıb.
