Gəncədə universitetlərin birində tədbir təşkil edilib. Bu haqda 13 dekabr tarixində Gəncə Dövlət Universitetinə istinadən xəbər veririk.
Gəncə Dövlət Universitetində “Dövlət qulluğu sisteminin mahiyyəti və əhəmiyyəti” mövzusunda tədbir keçirilib. Burada dövlət quluğuna qəbul qaydaları, test imtahanı, müsahibə mərhələləri, vakant vəzifələrin tutulmasının ümumi şərtləri və buna dair elektron xidmətlər barəsində məlumat verilib.
Tədbirdə universitetin humanitar məsələlər üzrə prorektoru Gülsüm Fətəliyeva, Dövlət İmtahan Mərkəzinin sektor müdiri Elnur Abbasov və Regional bölmənin müdiri Nəsimi Məmmədov, bölmənin böyük məsləhətçisi Sərxan Ağayev, universitetin Təcrübə və karyera şöbəsinin müdiri Cabbar Qarayev və yuxarı kurs tələbələri iştirak ediblər.
