Gəncə Dövlət Universitetində tədbir baş tutub. Bu haqda 8 mart tarixində GDU-ya istinadən xəbər veririk.
Tədbir 8 Mart – Beynəlxalq Qadınlar Günü münasibətilə keçirilib. Burada rektor Yusif Yusibov xanım əməkdaşları və tələbələri bayram münasibətilə təbrik edib, qadınların cəmiyyətdəki önəmli mövqeyindən danışıb.
Tədbirdə daha sonra Tədris məsələləri üzrə prorektor Şahin Xurşudov, rektorun baş müşaviri Asif Cavadov çıxış ediblər. Onlar qadınların elm, təhsil, mədəniyyət və incəsənət sahələrinin inkişafındakı rolundan bəhs ediblər. Bayram münasibətilə bir qrup qadın əməkdaşa Fəxri Fərman təqdim olunub, həmçinin universitet rektorluğunun və GDU Azad Həmkarlar İttifaqı Komitəsinin xətti ilə pul mükafatı verilib.
