Gəncə Dövlət Universitetində tədbir baş tutub. Bu haqda 19 yanvar tarixində GDU-ya istinadən xəbər veririk.
Tədbirdə Elm və İnnovasiyalar üzrə prorektor millət vəkili Pərvin Kərimzadə ümummilli liderin təşəbbüsü ilə 1994-cü ildə 20 Yanvar faciəsinə ali qanunvericilik orqanı – Milli Məclis səviyyəsində ilk dəfə hüquqi-siyasi qiymət verildiyini qeyd edib. Daha sonra prorektor şəhidlərimizin adlarının əbədiləşdirilməsi istiqamətində həyata keçirilən tədbirlərdən və onların ailə üzvlərinə göstərilən dövlət qayğısından söz açıb.
Toplantıda, həmçinin “20 Yanvar – qanla yazılan tarix”, “Azərbaycanın qəhrəmanlıq tarixinin 20 Yanvar səhifəsi” və “İnsanlığa qarşı ən böyük cinayət” adlı məruzələr dinlənilib. Çıxışlardan sonra tələbələrin ifasında 20 Yanvar şəhidlərinə həsr edilmiş şeirlər səsləndirilib.
[modula id="53433"]
