Gəncədə toplantı təşkil olunub. Bu haqda 14 fevral tarixində Regional Təhsil İdarəsinə istinadən məlumat veririk.
Gəncə-Daşkəsən Regional Təhsil İdarəsi Aparatının ilk həmkarlar ittifaqı komitəsinin hesabat-seçki yığıncağı baş tutub. Tədbir Regional İdarənin inzibati binasında keçirilib. Burada Təhsil İşçiləri Azad Həmkarlar İttifaqı Gəncə şəhər komitəsinin sədri Bayram Hacıyev, GDRTİ-nin müdir müavini Rövşən Kərimov, İnzibati təşkilat sektorunun müdiri Azər İbrahimov və idarənin əməkdaşları iştirak ediblər.
Yığıncaqda Regional Təhsil İdarəsinin Tədrisin keyfiyyəti sektorunun aparıcı məsləhətçisi Ayşən Kazımova aparatın ilk həmkarlar təşkilatının 2022-2024-cü illərinə dair hesabatla çıxış edib. Daha sonra yenidən səsvermə keçirilib. Nəticədə Ayşən Kazımova idarənin Həmkarlar İttifaqı Komissiyasının sədri, Osman Hacıyev isə təftiş komissiyasının sədri seçilib.
Bundan başqa, ilk həmkarlar ittifaqı komitəsinin seçkili orqanları formalaşdırılıb. Yığıncaqda çıxış edənlər yeni seçilən heyət üzvlərinə öz tövsiyələrini veriblər.
