Gəncənin Təbriz küçəsində su borusu partlayıb.
Gencexeber.az məlumat verir ki, sözügedən hal M.Ş.Vazeh adına 16 nömrəli tam orta məktəbin qarşısında müşahidə edilir. Sakinlər bildirirlər ki, kommunal qəza artıq bir aydan çoxdur ki, baş verib. Yol və səki ilə axan su ərazidə yaranan natəmiz vəziyyətlə yanaşı piyada və sürücülərə real təhlükəyə çevrilib.
"Bir müddət sonra şaxta olacaq. Uşaqlar burada necə hərəkət edəcəklər?" – yerli sakinlərdən biri narahatlığını bildirir.
Vətəndaşların “Azərsu” ASC-nin yerli şöbəsinə çoxsaylı müraciətlərinə baxmayaraq təmir işləri hələ də aparılmayıb.
