Gəncənin Abbas Səhhət adına küçəsində yolun təcili təmirə ehtiyacı var.
Gencexeber.az məlumat verir ki, küçənin bir tərəfində iri ticarət obyektlərinin və bazarın olması onu şəhərin ən işlək yerlərindən birinə çevirsə də, asfalt örtüyünün pis vəziyyətdə olması ciddi problemlər yaradır.
Təqdim etdiyimiz görüntülərdən aydın olur ki, yolun asfalt örtüyündə dərin çuxurlar əmələ gəlib. Bu da nəqliyyatın hərəkətinə mane olur və avtomobillərin zədələnməsi riskini artırır. Sakinlərin sözlərinə görə, burada daim tıxaclar əmələ gəlir.
Onlar narazılıqlarını ifadə edərək bildiriblər ki, hərəkət şəraitinin yaxşılaşdırılması və küçənin bütün hərəkət iştirakçıları üçün təhlükəsiz olması üçün yol əsaslı şəkildə təmir edilməlidir.
Cavid Şəmiyev
