Gəncədə "Gender Hub Azerbaijan"nın təşkilatçılığı ilə təlim keçirilib. Bu haqda 12 aprel tarixində Gənclərin İnkişaf və Karyera Mərkəzinə istinadən xəbər veririk.
Gənclərin İnkişaf və Karyera Mərkəzində (GİKM) “Kiberzorakılıq” mövzusunda təlim təşkil olunub. Burada gənclərə “Kiberzorakılıq nədir?”, “Kiberzorakılıq hansı yollarla həyata keçirilir?”, “Kiberzorakılığın qarşısını necə ala bilərik?” mövzuları haqqında məlumat verilib. Daha sonra müxtəlif qrup işləri icra olunub.
Təlim “Gender Matters: İnsan hüquqları təhsili vasitəsilə icma liderləri üçün bərabərliyin təşviqi” layihəsinin davamı olaraq, layihənin iştirakçısı Aynurə Əliyeva tərəfindən aparılıb və GİKM-in regional nümayəndəliyinin dəstəyi ilə baş tutub.
Qeyd edək ki, “Gender Matters: İnsan hüquqları təhsili vasitəsilə icma liderləri üçün bərabərliyin təşviqi” layihəsi Avropa Şurasının Avropa Gənclər Fondunun dəstəyi ilə həyata keçirilir.
