Gəncədə gənclər üçün müsabiqə keçirilib. Bu haqda 12 dekabr tarixində ADAU-ya istinadən xəbər veririk.
Azərbaycan Dövlət Aqrar Universiteti, Aqrar Gənclər Təşkilatı və ADAU-EU ikili diplom proqramı tələbələrinin birgə təşkilatçılığı ilə intellektual yarış təşkil olunub. Müsabiqədə ADAU tələbələri və 2 saylı ASAN Xidmət könüllüləri iştirak ediblər.
Yarışda umumilikdə beş komanda mübarizə aparıb. Burada “404” komandası I yerə, “Turan” II yerə, “Aqronomlar” isə III yerə layiq görülüb. Qaliblər sertifikat və diplomlarla təltif olunublar.
